Lønn og anna godtgjersle opptent på norsk kontinentalsokkel frå verksemder som driv med havbruk, mineralverksemd, utnytting av fornybare energiressursar eller karbonhandtering - utlending
Gjeld lønn og anna godtgjersle som er opptent på norsk kontinentalsokkel frå verksemder som driv med havbruk, mineralverksemd, utnytting av fornybare energiressursar eller karbonhandtering til inntektsmottakarar som er skattemessig busette i utlandet
Kort om lønn og anna godtgjersle opptent på norsk kontinentalsokkel frå verksemder som driv med havbruk, mineralverksemd, utnytting av fornybare energiressursar eller karbonhandtering – utlending
Før opp lønn og anna godtgjersle som er opptent på norsk kontinentalsokkel og utbetalt til inntektsmottakarar som er skattemessig busette i utlandet frå selskap som driv med følgjande former for verksemd:
- Mineralverksemd på norsk kontinentalsokkel
- Utnytting av fornybare energiressursar i 200-milssonene
- Utøving av karbonhandtering i 200-milssonene og på norsk kontinentalsokkel
- Havbruk (akvakultur) og tilknytt verksemd i 200-milssonene og på norsk kontinentalsokkel
Lønn for arbeid på hjelpefartøy
Dersom du betaler ut lønn for arbeid på hjelpefartøy må du spesifisere at det er hjelpefartøy ettersom det er eigne føresegner for lønn o.a. opptent på hjelpefartøy på sokkelen. Skatteavtalane kan i somme tilfelle gi unnatak frå skatteplikt.
Skattemessig busett i USA
Dersom mottakaren er skattemessig busett i USA, må du oppgi tilleggsinformasjon om lønn for dei første 60 dagane, ettersom denne ikkje er skattepliktig.
Kva for opplysningar skal du oppgi
| Beløp | x kroner |
| Type lønn eller yting | kjem an på type lønn eller yting (sjå nedanfor) |
| Trekkplikt | ja |
| Grunnlag for arbeidsgivaravgift | ja/nei |
| Skatte- og avgiftsregel | dersom aktuelt |
| Tilleggsinformasjon | havMineralFornybarKarbon og eventuell tilleggsinformasjon som kjem an på type lønn eller yting (sjå nedanfor) |
Beløp
Før opp bruttobeløpet.
Type lønn eller yting
Før opp «kontantyting» og ei av desse lønnsytingane:
- Fastlønn
- Timelønn
- Faste tillegg
- Uregelrett tillegg knytt til arbeidd tid
- Helgedagstillegg
- Uregelrett tillegg knytt til ikkje-arbeidd tid
- Bonus
- Overtidsgodtgjersle
- Sluttvederlag
- Feriepengar
- Anna
- Trekk i lønn for ferie
- Honorar, akkord, prosent eller provisjonslønn
Særskilt om trekk i lønn for ferie:
Beløpet er negativt. Denne inntektsnemninga skal berre nyttast saman med eit positivt beløp i fastlønn. Sjå «trekk i lønn for ferie».
Trekkpliktig
Ytinga skal alltid førast opp som trekkpliktig.
Du kan late vere å gjennomføre forskotstrekk dersom trekkbeløpet er under minstegrensene for forskotstrekk, eller det er innvilga trekkfritak/registrert NT1-skjema (stadfesta trekk i bostedsstaten etter nordisk trekkavtale)
Grunnlag for arbeidsgivaravgift
Du skal berekne arbeidsgivaravgift av denne ytinga.
Unnatak:
Du kan berre late vere å berekne arbeidsgivaravgift når inntektsmottakaren
- kjem inn under trygdelovgivinga i eit anna land i samsvar med ein sosialkonvensjon eller EØS-avtalen
- er ein utanlandsk arbeidstakar som ikkje er medlem av folketrygda og som arbeider på norsk kontinentalsokkel eller i norsk territorialfarvatn
Arbeidstakar har i nokre tilfelle stadfesting på at medlemskap blir halde aktivt hos eiga trygdestyresmakt (A1 eller annan blankett). NAV Medlemskap og avgift vurderer all dokumentasjon og registrerer eit eventuelt unntak frå medlemskap i folketrygda med periode, og om unntaket gjeld heile eller delar av folketrygda. Registrert unntak frå medlemskap i norsk folketrygd blir sendt elektronisk frå NAV til Skatteetaten.
Det er berre registrert unntak hos Skatteetaten som gir arbeidsgivar fritak frå å berekne arbeidsgivaravgift for arbeidstakar.
Skatteetaten kan fastsetje arbeidsgivaravgift for arbeidsgivar viss arbeidstakar ikkje er registrert med unntak og rapportert lønn eller yting ikkje inngår i avgiftspliktig grunnlag.
Arbeidsgivar eller den tilsette kan kontakte NAV for å spørje om unntak frå medlemskap i folketrygda er registrert.
Skatte- og avgiftsregel
Du kan berre bruke denne særskilde skatte- og avgiftsregelen dersom ytinga er opptent på hjelpefartøy.
Skatte- og avgiftsregelen gjeld:
- sjøfolk som har krav på eit eige frådrag (sjømannsfrådrag) i lønn og andre ytingar,
- når dei har tent opp dette ved å arbeide om bord på skip i fart.
Dersom inntektsmottakaren oppfyller vilkåra skal du markere lønn og andre ytingar med «særskilt frådrag for sjøfolk».
Sjå òg utfyllande informasjon om særskilt frådrag for sjøfolk
Gjeld frå januar 2017.
Tilleggsinformasjon
Alltid før opp: havMineralFornybarKarbon
Generelt, før opp:
- talet på timar (gjeld timelønn og overtidsgodtgjersle)
- oppteningsperiode, frå dato til dato (startdato og eventuell sluttdato for samanhengande arbeidsopphald på norsk sokkel)
- opptent på kontinentalsokkel
- oppteningsland (landkode)
- skattemessig busett (landkode)
Dersom ytinga er opptent på hjelpefartøy, fører du opp:
- talet på timar (gjeld timelønn og overtidsgodtgjersle)
- oppteningsperiode, frå dato til dato (startdato og eventuell sluttdato for samanhengande arbeidsopphald på norsk sokkel)
- opptent på kontinentalsokkel
- oppteningsland (landkode = NO)
- skattemessig busett (landkode)
- opptent på hjelpefartøy
Dersom den som tek imot ytinga er skattemessig busett i USA, fører du opp:
- talet på timar (gjeld timelønn og overtidsgodtgjersle)
- lønn første 60 dagar
- opptent på kontinentalsokkel
- oppteningsland (landkode = NO)
- skattemessig busett (landkode = US)
Oppteningsperiode (frivillig)
Du kan oppgi oppteningsperiode for alle typar lønn og andre ytingar i a-meldinga. Både startdato og sluttdato for oppteningsperioden må vere innanfor same rapporteringsmånad.
Når skal du rapportere
Før opp ytinga den kalendermånaden du har utbetalt beløpet.
Rette feil
| MAGNET_EDAG-114 Ugyldig verdi |
| MAGNET_EDAG-114B Ugyldig verdi for denne kalendermånaden |
| MAGNET_EDAG-200 Denne inntekta er rapportert med feil opplysningar og er ugyldig |
| MAGNET_EDAG-230B Ugyldig verdi |
| MAGNET_EDAG-243 Opplysningar om oppteningsperiode er ugyldig |
| MAGNET_EDAG-298 Denne inntekta er rapportert med feil opplysningar og er ugyldig |
Kva nyttar vi opplysningane til
NAV brukar opplysningar om lønn og andre ytingar til å rekne ut dagpengar og kontrollere ytingar som sjukepengar, foreldrepengar, uføretrygd og bidragsforskot.
Skatteetaten brukar opplysningar om lønn og anna godtgjersle opptent på norsk kontinentalsokkel til utlending til å fylle ut skattemeldinga på førehand og til kontroll.
Statistisk sentralbyrå (SSB) brukar opplysningane til statistikkføremål.
