Lønn og anna godtgjersle som ikkje er skattepliktig for ein person som er medlem av folketrygda
Gjeld lønn og anna godtgjersle som ikkje er skattepliktig, men der mottakaren kjem inn under norske trygdereglar, som grensegjengarar, flypersonell med fleire.
Kort om lønn og anna godtgjersle som ikkje er skattepliktig for ein person som er medlem i folketrygda
Før opp lønn og anna godtgjersle som ikkje er skattepliktig for ein person som er medlem av folketrygda, for å fastsetje trygdeavgift og arbeidsgivaravgift
Felles for personane dette gjeld, er at anten norsk intern rett eller ein skatteavtale fører til at inntekta ikkje er skattepliktig, men EØS-regelverket om trygdemedlemskap inneber at mottakaren kjem inn under norske trygdereglar.
Dette gjeld til dømes:
- Grensegjengarar som er busette i Sverige eller Finland og som arbeider i Noreg. Ein grensegjengar er ein person som er skattepliktig som busett i ein kommune som direkte grensar til riksgrensa mellom Noreg og Sverige eller mellom Noreg og Finland og som får lønn for arbeid utført i ein kommune som grensar direkte til den same riksgrensa. Grensegjengarar skal betale skatt i heimlandet sitt av lønn som er opptent i Noreg. Dette gjeld uansett om arbeidsgivaren er offentleg eller privat. Inntektsmottakar som har dokumentert overfor Skatteetaten at han fyller kravet for å vere grensegjengar, mottar eit skattekort med trygdeavgifta som skal betalast.
- Utanlandske arbeidstakarar som har norsk arbeidsgivar og som driv landtransport i to eller fleire EØS-land, under føresetnad av at lønna er opptent i utlandet.
- Flypersonell som er busett i utlandet med ein norsk arbeidsgivar og som utfører arbeid i to eller fleire EØS-land.
- Personar som er skattemessig busette i eit anna nordisk land og som arbeider om bord i norskregistrerte fiskefartøy. Gjeld inntekt opptent både i og utanfor norsk territorialfarvatn.
- Personar som er skattemessig busette i eit anna EØS-land som arbeider om bord i norskregistrerte fiskefartøy. Gjeld berre inntekt opptent utanfor norsk territorialfarvatn.
Kva for opplysningar skal du oppgi
Beløp | x kroner |
Type lønn eller yting | kjem an på type yting (sjå nedanfor) |
Trekkplikt | ja |
Grunnlag for arbeidsgivaravgift | ja/nei |
Skatte- og avgiftsregel | - |
Tilleggsinformasjon: |
|
Nemning | lønn og anna godtgjersle som ikkje er skattepliktig |
Antall timer | for timelønn og overtidsgodtgjersle |
Skattemessig busett | landkode |
Beløp
Før opp bruttobeløpet.
Type lønn eller yting
Før opp «kontantyting» og ei av desse inntektene:
- Fastlønn
- Timelønn
- Faste tillegg
- Uregelrett tillegg knytt til arbeidd tid
- Helgedagstillegg
- Honorar, akkord, prosent eller provisjonslønn
- Uregelrett tillegg knytt til ikkje-arbeidd tid
- Bonus
- Overtidsgodtgjersle
- Sluttvederlag
- Feriepengar
- Anna
- Trekk i lønn for ferie
Trekkpliktig
Ytinga skal alltid førast opp som trekkpliktig.
Du kan late vere å gjennomføre forskotstrekk dersom trekkbeløpet er under minstegrensene for forskotstrekk.
Grunnlag for arbeidsgivaravgift
Du skal berekne arbeidsgivaravgift av denne ytinga.
For inntektsmottakarar som er busette i eit anna EØS-land og som jobbar om bord i norskregistrerte fiskefartøy, kjem produktavgifta til å erstatte arbeidsgivaravgifta.
Unnatak:
Du kan late vere å berekne arbeidsgivaravgift når inntektsmottakaren
- kjem inn under trygdelovgivinga i eit anna land i samsvar med ein sosialkonvensjon eller EØS-avtalen
- er ein utanlandsk arbeidstakar som ikkje er medlem av trygda og som arbeider på norsk kontinentalsokkel eller i norsk territorialfarvatn
Skatte- og avgiftsregel
Du kan ikkje bruke særskilde skatte- og avgiftsreglar for denne ytinga.
Tilleggsinformasjon
- Nemning
Før opp «Lønn og anna godtgjersle som ikkje er skattepliktig». - Talet på timar
Dersom du rapporterer timelønn eller overtidsgodtgjersle, skal du òg føre opp talet på timar. - Skattemessig busett
Oppgi landkoden for kvar inntektsmottakaren er skattemessig busett.
Oppteningsperiode (frivillig)
Du kan oppgi oppteningsperiode for alle typar lønn og andre ytingar i a-meldinga. Både startdato og sluttdato for oppteningsperioden må vere innanfor same rapporteringsmånad.
Når skal du rapportere
Før opp ytinga den kalendermånaden du har utbetalt beløpet.
Rette feil
MAGNET_EDAG-114 Ugyldig verdi |
MAGNET_EDAG-114B Ugyldig verdi for denne kalendermånaden |
MAGNET_EDAG-200 Denne inntekta er rapportert med feil opplysningar og er ugyldig |
MAGNET_EDAG-230B Ugyldig verdi |
MAGNET_EDAG-243 Opplysningar om oppteningsperiode er ugyldig |
MAGNET_EDAG-298 Denne inntekta er rapportert med feil opplysningar og er ugyldig |
Kva brukar vi opplysningane til
NAV brukar opplysningar om lønn og ytingar til å rekne ut dagpengar og for å kontrollere ytingar som sjukepengar, foreldrepengar, uføretrygd og bidragsforskot.
Skatteetaten brukar opplysningar for å fastsetje rett trygdeavgift og arbeidsgivaravgift.
Statistisk sentralbyrå (SSB) brukar opplysningane til statistikkføremål.
Aktuelt regelverk