Nye livrenter i arbeidsforhold (kollektive livrenter) og livrenter teikna som framhaldsforsikringar
Gjeld utbetalingar frå kollektive livrenter i arbeidsforhold og som framhaldsforsikring teikna frå og med 1. januar 2007.
Kort om nye livrenter i arbeidsforhold og som framhaldsforsikringar
Før opp
- utbetalingar frå kollektive livrenter i arbeidsforhold
- livrenter teikna som framhaldsforsikring frå og med 1. januar 2007
Ytinga blir skattlagd som kapitalinntekt.
Unnatak:
- Arbeidsgivar si dekning av premie til livrenter i arbeidsforhold skal du føre opp som skattepliktig del av visse typar forsikringar.
- Utbetalingar frå kollektive livrenter i arbeidsforhold som er teikna før 1. januar 2007 skal du føre opp som pensjon i og utanfor arbeidsforhold og livrenter i arbeidsforhold o.a.
- Utbetalingar frå framhaldsforsikringar der det har blitt gitt frådrag for innbetalingar til ordninga skal du føre opp som pensjon i og utanfor arbeidsforhold og livrenter i arbeidsforhold o.a.
Kva for opplysningar skal du oppgi
Beløp | x kroner |
Type lønn eller yting | kontantyting, nye livrenter i arbeidsforhold (kollektive livrenter) og livrenter teikna som framhaldsforsikringar |
Trekkplikt | ja |
Grunnlag for arbeidsgivaravgift | nei |
Skatte- og avgiftsregel | dersom aktuelt |
Tilleggsinformasjon: |
|
Samla utbetalt beløp | x kroner |
Beløp
Før opp skattepliktig utbetaling frå livrenta. Dersom livrenta ikkje er skattepliktig, fører du opp 0 kroner.
Type lønn eller yting
Før opp «kontantyting» og «nye livrenter i arbeidsforhold (kollektive livrenter) og livrenter teikna som framhaldsforsikringar».
Trekkpliktig
Ytinga skal alltid førast opp som trekkpliktig.
Du kan late vere å gjennomføre forskotstrekk dersom trekkbeløpet er under minstegrensene for forskotstrekk.
Grunnlag for arbeidsgivaravgift
Du skal ikkje rekne arbeidsgivaravgift av ytinga.
Skatte- og avgiftsregel
Dersom inntektsmottakaren oppfyller vilkåra, skal du bruke skatte- og avgiftsregel:
Skatte- og avgiftsregelen gjeld:
- inntektsmottakarar som kjem inn under Svalbardskattelova
Dersom inntektsmottakaren oppfyller vilkåra skal du markere lønn og andre ytingar med «Svalbard».
Du må òg markere forskotstrekk som høyrer til, med nemninga «Svalbard».
Sjå utfyllande informasjon om forskotstrekk i a-meldinga
Hugs óg å oppgi riktig nemning av frådraget når det er ei eiga frådragsnemning for Svalbard, sjå fagforeiningskontingent, premie til pensjonsordningar, premie til fond og trygd og brakkeleige.
Tilleggsinformasjon
- Samla utbetalt beløp:
Før opp samla utbetaling før frådrag for tilbakebetaling av premie, forsikringa sin avbrotsverdi m.m.
Oppteningsperiode (frivillig)
Du kan oppgi oppteningsperiode for alle typar lønn og andre ytingar i a-meldinga. Både startdato og sluttdato for oppteningsperioden må vere innanfor same rapporteringsmånad.
Når skal du rapportere
Før opp ytinga den kalendermånaden du har utbetalt beløpet.
Rette feil
MAGNET_EDAG-114 Ugyldig verdi |
MAGNET_EDAG-114B Ugyldig verdi for denne kalendermånaden |
MAGNET_EDAG-200 Denne inntekta er rapportert med feil opplysningar og er ugyldig |
MAGNET_EDAG-230B Ugyldig verdi |
MAGNET_EDAG-243 Opplysningar om oppteningsperiode er ugyldig |
MAGNET-EDAG-260 |
MAGNET_EDAG-298 Denne inntekta er rapportert med feil opplysningar og er ugyldig |
Kva nyttar vi opplysningane til
NAV brukar opplysningane i kontrollar.
Skatteetaten brukar opplysningar om pensjon og trygd til å fastsetje inntekt. Beløpet blir summert med andre ytingar og overført til skattemeldinga.
Statistisk sentralbyrå (SSB) nyttar opplysningane til statistikkføremål.