Yrkesbil – tenestleg behov – listepris
Gjeld fordel ved privat bruk av yrkesbil som skal verdsetjast etter sjablongmetode basert på listepris med botnfrådrag.
Kort om yrkesbil – tenestleg behov - listepris
Før opp fordelen ved privat bruk av yrkesbil for:
- varebilar klasse 2, jf. forskrift av 19. mars 2001 nr. 268 om eingongsavgift på motorvogner § 2-3
- lette lastebilar under 7 500 kg, jf. forskrifta § 2-6
Det er eit krav at inntektsmottakaren har tenestleg behov for yrkesbilen.
Den skattepliktige fordelen blir fastsett etter:
- ordinær sjablongmetode basert på listepris med eit særskilt botnfrådrag, eller
- kilometersats for privat bruk, med krav om dokumentasjon ved elektronisk køyrebok
Sjå satsane du skal leggje til grunn når du reknar ut
Arbeidsgivar og arbeidstakar er bundne av metoden dei vel for verdsetting for heile inntektsåret. Unnatak frå dette gjeld dersom ein skaffar seg elektronisk køyrebok og tek denne i bruk i løpet av inntektsåret. I slike tilfelle kan ein leggje verdsetting basert på kilometersats til grunn frå og med den første heile månaden slik køyreboka blir brukt.
Ordinær sjablongmetode med botnfrådrag rapporterer du her. Individuell verdsetting av yrkesbil etter kilometersats rapporterer du som Yrkesbil – tenestleg behov – kilometer.
Se òg:
Kva for opplysningar skal du oppgi
Beløp | x kroner |
Type lønn eller yting | naturalyting, yrkebil tenestleg behov listepris |
Trekkplikt | ja |
Grunnlag for arbeidsgivaravgift | ja/nei |
Skatte- og avgiftsregel | dersom aktuelt |
Tilleggsinformasjon: |
|
Listepris | x kroner |
Registreringsnummer | registreringsnummeret på bilen |
Oppteningsland | landkode dersom ytinga er opptent i utlandet |
Beløp
Før opp den skattepliktige fordelen.
Fordelen fastset ein etter standardregelen for firmabilar, men med eit særskilt botnfrådrag.
Grunnlaget for utrekning av skattepliktig fordel:
- Grunnlaget blir sett til bilen sin listepris som ny med eit botnfrådrag på 50 prosent, avgrensa til 150 000 kroner
- For yrkesbilar som er eldre enn 3 år per 1. januar i inntektsåret legg ein 75 prosent av bilen sin listepris som ny til grunn før ein reknar ut botnfrådraget
- Det blir ikkje gitt reduksjon for yrkeskøyring over 40 000 km i tillegg til botnfrådraget.
Ein kan ikkje redusere utrekningsgrunnlaget for elbil og redusere via botnfrådrag for varebil klasse 2 og små lastebilar, for den same bilen.
Fordelen blir fastsett til 30 prosent av utrekningsgrunnlaget inntil eit beløp fastsett av Skattedirektoratet, og 20 prosent av den overskytande listeprisen.
Sjå beløpsgrensa for kvart einskild inntektsår du skal bruke når du reknar ut
Døme med yrkesbil
Kari jobbar i eit bilfirma. Ho får stilt yrkesbil med registreringsnummer AB54321 til disposisjon av arbeidsgivaren. Listeprisen på bilen er 660 000. Grensebeløpet er 351 700 kroner (2024).
Utrekningsgrunnlaget for fordelen er 660 000 – 150 000 = 510 000 |
||
30 prosent av 351 700 |
105 510 | |
+ | 20 prosent av 158 300 | 31 660 |
= | sum | 137 170 |
Skattepliktig fordel per månad 137 170/12 |
11 431 |
A-meldinga |
|
Beløp |
11 431 |
Type lønn og ytelse | naturalyting, yrkebil tenestleg behov listepris |
Trekkplikt | ja |
Grunnlag for arbeidsgivaravgift | ja |
Listepris | 660 000 |
Registreringsnummer | AB54321 |
Type lønn eller yting
Før opp «naturalyting» og «yrkesbil tenestleg behov listepris»
Trekkpliktig
Ytinga skal alltid førast opp som trekkpliktig.
Du kan late vere å gjennomføre forskotstrekk dersom trekkbeløpet er under minstegrensene for forskotstrekk.
For naturalytingar skal du gjennomføre forskotstrekket i dei kontante ytingane så langt dei rekkjer. Er det ikkje dekning for samla forskotstrekk i dei kontante ytingane, skal du melde frå skriftlig til Skatteetaten via Altinn.
Grunnlag for arbeidsgivaravgift
Du skal berekne arbeidsgivaravgift av denne ytinga.
Unnatak:
Du kan berre late vere å berekne arbeidsgivaravgift når inntektsmottakaren
- kjem inn under trygdelovgivinga i eit anna land i samsvar med ein sosialkonvensjon eller EØS-avtalen
- er ein utanlandsk arbeidstakar som ikkje er medlem av folketrygda og som arbeider på norsk kontinentalsokkel eller i norsk territorialfarvatn
Arbeidstakar har i nokre tilfelle stadfesting på at medlemskap blir halde aktivt hos eiga trygdestyresmakt (A1 eller annan blankett). NAV Medlemskap og avgift vurderer all dokumentasjon og registrerer eit eventuelt unntak frå medlemskap i folketrygda med periode, og om unntaket gjeld heile eller delar av folketrygda. Registrert unntak frå medlemskap i norsk folketrygd blir sendt elektronisk frå NAV til Skatteetaten.
Det er berre registrert unntak hos Skatteetaten som gir arbeidsgivar fritak frå å berekne arbeidsgivaravgift for arbeidstakar.
Skatteetaten kan fastsetje arbeidsgivaravgift for arbeidsgivar viss arbeidstakar ikkje er registrert med unntak og rapportert lønn eller yting ikkje inngår i avgiftspliktig grunnlag.
Arbeidsgivar eller den tilsette kan kontakte NAV for å spørje om unntak frå medlemskap i folketrygda er registrert.
Skatte- og avgiftsregel
Dersom inntektsmottakaren oppfyller vilkåra, skal du bruke skatte- og avgiftsregelen:
Skatte- og avgiftsregelen gjeld:
- sjøfolk som har krav på eit eige frådrag (sjømannsfrådrag) i lønn og andre ytingar,
- når dei har tent opp dette ved å arbeide om bord på skip i fart.
Dersom inntektsmottakaren oppfyller vilkåra skal du markere lønn og andre ytingar med «særskilt frådrag for sjøfolk».
Sjå òg utfyllande informasjon om særskilt frådrag for sjøfolk
Skatte- og avgiftsregelen gjeld:
- inntektsmottakarar som kjem inn under Svalbardskattelova
Dersom inntektsmottakaren oppfyller vilkåra skal du markere lønn og andre ytingar med «Svalbard».
Du må òg markere forskotstrekk som høyrer til, med nemninga «Svalbard».
Sjå utfyllande informasjon om forskotstrekk i a-meldinga
Hugs óg å oppgi riktig nemning av frådraget når det er ei eiga frådragsnemning for Svalbard, sjå fagforeiningskontingent, premie til pensjonsordningar, premie til fond og trygd og brakkeleige.
Tilleggsinformasjon
- listepris
Før opp listeprisen for bilen som ny. Bilen sin listepris som ny blir sett til listeprisen hjå hovudimportøren på tidspunktet for første gongs registrering, inklusive meirverdiavgift og vrakpant, eksklusive frakt- og registreringskostnader. Listepris for ekstrautstyr skal leggjast til listeprisen.
Dersom arbeidstakaren oppheld seg i utlandet og bilen ikkje er kjøpt i Noreg, skal listeprisen setjast til opphavleg listepris som ny i opphaldslandet (det kan krevjast at ein legg fram dokumentasjon for listepris). - registreringsnummer
Før opp registreringsnummeret på bilen - oppteningsland (dersom ytinga er opptent i utlandet)
Før opp landkoden til det landet der inntekta er opptent. - utanfor standardregel
For 2016: Før opp «utanfor standardregelen = nei»
For 2017: Det er frivillig å føre opp «utanfor standardregelen = nei»
For 2018: Du skal ikkje føre opp «utanfor standardregelen = nei»
Oppteningsperiode (frivillig)
Du kan oppgi oppteningsperiode for alle typar lønn og andre ytingar i a-meldinga. Både startdato og sluttdato for oppteningsperioden må vere innanfor same rapporteringsmånad.
Når skal du rapportere
Før opp fordelen kvar kalendermånad bilen har stått til disposisjon dersom fordelen blir rekna ut etter sjablongmetoden.
Rette feil
MAGNET_EDAG-114 Ugyldig verdi |
MAGNET_EDAG-114B Ugyldig verdi for denne kalendermånaden |
MAGNET_EDAG-200 Denne inntekta er rapportert med feil opplysningar og er ugyldig |
MAGNET_EDAG-230B Ugyldig verdi |
MAGNET_EDAG-243 Opplysningar om oppteningsperiode er ugyldig |
MAGNET_EDAG-298 Denne inntekta er rapportert med feil opplysningar og er ugyldig |
Kva brukar vi opplysningane til
NAV nyttar opplysningar om lønn og andre ytingar til å rekne ut dagpengar og kontrollere ytingar som sjukepengar, foreldrepengar, uføretrygd og bidragsforskot.
Skatteetaten nyttar opplysningar om yrkesbil til å fylle ut skattemeldinga på førehand og til kontroll.
Statistisk sentralbyrå (SSB) nyttar opplysningane til statistikkføremål.
Aktuelt regelverk